Our Senior Management

លោក ខែម រស្មី ជាអនុប្រធានប្រតិបត្តិក្រុមប្រឹក្សាភិបាលនៃសាកលវិទ្យាល័យអន្តរជាតិ ឌូវី និងជាស្ថាបនិក និងអគ្គនាយកក្រុមហ៊ុន ឌូវី អ៊ិនធើណេសិនណលលោកបានប្រឡូកចូលក្នុងវិស័យអប់រំ និងវិស័យធុរកិច្ច ក្នុងប្រទេសកម្ពុជាមានរយៈពេលយូរឆ្នាំ និងប្រកបដោយភាពជោគជ័យគួរឱ្យកត់សម្គាល់។ ជាពិសេស គឺលោកជាសហស្ថាបនិក និងជាអតីតសាកលវិទ្យាធិការ នៃសាកលវិទ្យាល័យអន្តរជាតិ ឌូវី ។ លោក ខែម រស្មី បានបញ្ចប់ថ្នាក់បរិញ្ញាបត្រជាន់ខ្ពស់ (អនុបណ្ឌិត) ផ្នែកអប់រំ និងថ្នាក់បរិញ្ញាបត្រជាន់ខ្ពស់ (អនុបណ្ឌិត) ផ្នែកគ្រប់គ្រងអាជីវកម្ម ជំនាញគ្រប់គ្រងទូទៅ។ លោក ខែម រស្មី បានចែករំលែកនូវចំណេះ និងជំនាញរបស់លោក ជាច្រើនដើម្បីជាប្រយោជន៍ដល់ប្រជាពលរដ្ឋកម្ពុជា ពិសេសនៅភូមិភាគពាយព្យន៍ប្រទេសកម្ពុជា ដូចជា៖ ជាគណៈកម្មការវាយតម្លៃគុណភាពអប់រំ នៃកម្ពុជា ជាសាកលវិទ្យាធិការរងនៃសាកលវិទ្យាល័យ បៀលប្រាយ សាខាខេត្តបាត់ដំបង ជាស្ថាបនិក និងនាយក នៃសាកលវិទ្យាល័យបញ្ញាសាស្ត្រកម្ពុជា សាខាខេត្តបាត់ដំបង ជាអ្នកសម្របសម្រួលផ្នែកសិក្សាធិការ និងជាគ្រូបង្រៀនភាសាអង់គ្លេសរបស់មជ្ឈមណ្ឌលអូស្ត្រាលីសម្រាប់ការអប់រំ (ACE) – IDP Education នៃប្រទេសអូស្ត្រាលី។ លើសពីនេះទៀតនោះលោក ខែម រស្មី ជាក្រុមប្រឹក្សាភិបាលយុវជន រ៉ូតារីក្លឹបសង្កែ បាត់ដំបង(Rotary Club Sangker, Battambang)។ មិនត្រឹមតែប៉ុណ្ណោះលោកក៏បានចូលរួមជាសមាជិកភាពអាជីព មានដូចជា៖ ជាសមាជិកសាជីវកម្មកម្រិតប្រាក់ នៃសភាពាណិជ្ជកម្មអាមេរិកកាំងប្រចាំប្រទេសកម្ពុជា ជាប្រធាន សមាគមសហគ្រិនវ័យក្មេងកម្ពុជា (YEAC) ប្រចាំខេត្តបាត់ដំបងផងដែរ។

លោកបានបញ្ចប់ថ្នាក់បរិញ្ញាបត្រជាន់ខ្ពស់ជំនាញគ្រប់គ្រងទូទៅនិងលោកមានបរិញ្ញាបត្រពីរជំនាញ ទីផ្សារ និងគ្រប់គ្រងធនធានមនុស្ស។ លោកមានបទពិសោធន៍ការងារជាច្រើនជាមួយក្រុមហ៊ុនអន្តរជាតិ ធំៗជាអ្នកគ្រប់គ្រងតំណាងក្រុមហ៊ុនរ៉ែប្រេង ប្រចាំប្រទេសកម្ពុជា MedcoInternationalPetro – leum Co., LTD & Medco Cambodia Tonle Sap Co., LTD ហើយលោកក៏ជាមន្ត្រីទំនាក់ទំនង ជាន់ខ្ពស់របស់ក្រុមហ៊ុនអន្តរជាតិ អូស្ត្រាលី Petroleum Geo-Services (PGS) ប្រចាំប្រទេស កម្ពុជា និងជាអគ្គនាយករងនៃក្រុមហ៊ុន PLMP Venture Capital, Cambodia ហើយលោកក៏ មានបទពិសោធន៍ជាច្រើនទៀតជាមួយអង្គការ NGOs ផ្សេងៗនៅក្នុងប្រទេសកម្ពុជា។

លោក ភន ម៉ុច ជាសាកលវិទ្យាធិការរងទទួលបន្ទុកសិក្សាធិការ និងធានាគុណភាពអប់រំផ្ទៃក្នុង នៃសាកលវិទ្យាល័យ ឌូវី​លោកទទួលបានសញ្ញាបត្រ គរុកោសល្យ ឯកទេសបង្រៀនភាសាអង់គ្លេស និងភាសាខ្មែរ សញ្ញាបត្របរិញ្ញាបត្រ ជំនាញភាសាអង់គ្លេសសម្រាប់ទំនាក់ទំនង និងសញ្ញាបត្របរិញ្ញាបត្រជាន់ខ្ពស់ (អនុបណ្ឌិត)ជំនាញគ្រប់គ្រងទូទៅ។ លោកបានចូលរួមក្នុងវិស័យអប់រំ ចាប់តាំងពីឆ្នាំ២០០៣ រហូតដល់បច្ចុប្បន្ន។លោកបានចូលរួមចែករំលែកបទពិសោធន៍របស់លោកដើម្បីជាប្រយោជន៍ដល់ប្រជាពលរដ្ឋក្នុងការកសាងធនធានមនុស្សដូចជា៖ ជាគ្រូបង្រៀនក្របខណ្ឌរដ្ឋ ជាសាស្ត្រាចារ្យសាកលវិទ្យាល័យ ជាអ្នកសម្របសម្រួលសាលារៀនសុវណ្ណភូមិទី៧ ខេត្តបាត់ដំបង ជាអនុប្រធានការិយាល័យសិក្សាធិការ និងទំនាក់ទំនងសាកលវិទ្យាល័យ ជាប្រធានការិយាល័យសិក្សាធិការ និងទំនាក់ទំនងសាកលវិទ្យាល័យនៃសាកលវិទ្យាល័យអន្តរជាតិ ឌូវី។ ក្រៅពីនេះ លោកក៏ធ្លាប់មានបទពិសោធន៍ រួមដូចជា៖ ជាតំណាង
ចែកចាយប្រចាំតំបន់ នៃក្រុមហ៊ុនឃមឡតកម្ពុជា (Cam-Lot Co., Ltd.) ជាប្រធានក្រុមប្រចាំភូមិភាគនៃក្រុមហ៊ុន ឃេនវើល (Canworld Co., Ltd.) ជាប្រធានគម្រោង នៃអង្គការព្រហ្មវិហារធម៌(PVT)និងជាសហស្ថាបនិកនៃ សមាគមមនុស្សធម៌ដើម្បីអប់រំ (AHE) ។

លោកទទួលបានសញ្ញាបត្រ MBA និងសញ្ញាបត្រ MS/M. Phil ក្នងវិទ្យាសាស្រ្តគ្រប់គ្រង។ លោកមានបទពិសោធន៍ជាងដប់ឆ្នាំនៃការបង្រៀន និងផ្នែករដ្នបាលនៅក្នុងឧត្តមសិក្សា។

លោក យ៉ាន់ ពេជ្រ ជាប្រធានការិយាល័យកម្មវិធីថ្នាក់ក្រោយបរិញ្ញាបត្រ ស្រាវជ្រាវ និងអភិវឍ្ឃន៍ លោកបានបញ្ចប់ការសិក្សាបរិញ្ញាបត្រអប់រំចិត្តសាស្ត្រនៅសាកលវិទ្យាល័យអន្តរជាតិអាស៊ីប៉ាស៊ីហ្វិកពីប្រទេសថៃ បានទទួលបរិញ្ញាបត្រជាន់ខ្ពស់ចំនួនបួនគឺ វិទ្យាសាស្ត្រប្រឹក្សាយោបល់ពីប្រទេសឥណ្ឌាគ្រប់គ្រងរដ្ឋបាល វិទ្យាសាស្ត្រអប់រំ និងការគ្រប់គ្រងពីប្រទេសកម្ពុជា និងសញ្ញាបត្របណ្ឌិតផ្នែកអប់រំពីសហរដ្ឋអាមេរិក ហើយឥឡូវនេះកំពុងបន្តស្រាវជ្រាវថ្នាក់បណ្ឌិតរដ្ឋបាលអប់រំមួយទៀតផងដែរ។
លោកមានបទពិសោធន៍លើវិស័យអប់រំអស់រយៈពេលជាង២៧ឆ្នាំ ដោយធ្លាប់មានតួនាទីជាច្រើនដូចជានាយកវិទ្យាស្ថានភាសាបរទេស ប្រធានរដ្ឋបាល និងធនធានមនុស្ស នាយកនៅសាកលវិទ្យាល័យបញ្ញាសាស្ត្រសាខាខេត្ត នាយកអង្គការផ្ដល់ក្ដីសង្ឃឹមដល់ជនងាយរងគ្រោះ ព្រឹទ្ធបុរសនៃមហាវិទ្យាល័យមនុស្សសាស្ត្រ និងភាសានៃសាកលវិទ្យាល័យអន្តរជាតិ ទីប្រឹក្សាអង្គការតម្លាភាព
អន្តរជាតិកម្ពុជា និងជាទីប្រឹក្សាអង្គការសហព័ន្ធសន្តិភាពសកលផងដែរ។ ទស្សនៈរបស់លោកគឺការសិក្សារៀនសូត្រ និងអប់រំ គួរបញ្ជ្រាបដល់យុវជនជំនាន់ក្រោយ ដើម្បីអភិវឌ្ឍសង្គមជាតិរបស់យើង។

លោក វណ្ណ ចំរើន ជាព្រឹទ្ធបុរសរង មហាវិទ្យាល័យគ្រប់គ្រងពាណិជ្ជកម្ម នៃសាកលវិទ្យាល័យអន្តរជាតិ ឌូវី និងជាប្រធានដេប៉ាតឺម៉ង់ធនាគារ និងហិរញ្ញវត្ថុ លោកបានបញ្ចប់ថ្នាក់បរិញ្ញាបត្រជាន់ខ្ពស់ ជំនាញ គ្រប់គ្រងពាណិជ្ជកម្ម។ លោកមានបទពិសោធន៍ ការងារក្នុងវិស័យធនាគារ រយៈពេល២៩ឆ្នាំ ដូចជា ១.ធនាគារជាតិ ខេត្តបាត់ដំបងមានរយៈពេល ៧ឆ្នាំ ២.នៅធនាគារពាណិជ្ជទាំងបី (ធនាគារកម្ពុជាពាណិជ្ជ ធនាគារវឌ្ឍនៈ និងធនាគារ អូ អេស ខេ ឥណ្ឌូឆាយណា) មានរយៈពេល២២ឆ្នាំ។ លោកធ្លាប់បានចូលរួមការបណ្តុះបណ្តាលវគ្គខ្លីៗ ទាក់ទង នឹងវិស័យធនាគារជាច្រើន នៅទីក្រុងភ្នំពេញដែលមានគ្រូបណ្តុះបណ្តាលជាជនជាតិបរទេសមកពី ប្រទេសនានាដូចជា៖ ហុងកុង សិង្ហបូរី មីយ៉ាន់ម៉ា ម៉ាឡេស៊ី ជាដើម។ លោកក៏ជាសាស្ត្រាចារ្យបង្រៀន នៅតាមសាកលវិទ្យាល័យ និងវិទ្យាស្ថាននានា នៅទីក្រុងភ្នំពេញ និងតាមបណ្តាខេត្តមួយចំនួនដូចជា ខេត្តព្រះសីហនុ ក្រចេះ កំពង់ចាម កោះកុង និងខេត្តព្រៃវែង អស់រយៈពេលជាង៧ឆ្នាំផងដែរ។

លោកទទួលបានបរិញ្ញាបត្រជាន់ខ្ពស់គ្រប់គ្រងពាណិជ្ជកម្ម បរិញ្ញាបត្រក្នុងមហាវិទ្យាល័យសិល្បៈជំនាញ
ទំនាក់ទំនងពីសាកលវិទ្យាល័យក្នុងស្រុកនិងសញ្ញាបត្រមធ្យមសិក្សាគរុកោសល្យ។លោកបានធ្វើការក្នុង វិស័យអប់រំតាំងពីឆ្នាំ ២០០៥ ពាក់ព័ន្ធនឹងការអប់រំក្នុងកម្រិតមធ្យមសិក្សា ការអប់រំបណ្ដុះបណ្ដាល និង ការអប់រំកម្រិតឧត្ដមសិក្សា។ លោកក៏បានប្រឡូកក្នុងកិច្ចការដឹកនាំគ្រប់វិស័យអប់រំឯកជន អង្គការក រដ្ឋាភិបាលចាប់ពីកម្រិតនៃការអប់រំកុមារតូចរហូតដល់កម្រិតអប់រំថ្នាក់ឧត្តមសិក្សាផងដែរ។ជំនាញរបស់ លោកមានដូចជា គរុកោសល្យក្នុងការអប់រំ និងបង្រៀន គ្រប់គ្រងដឹកនាំគ្រឹះស្ថានអប់រំ រៀបចំ តាមដាន និងវាយតម្លៃកម្មវិធីសិក្សាសរសេរស្រាវជ្រាវនិងការអភិវឌ្ឍការស្រាវជ្រាវ។លោកបានកំពុងសរសេរ និង ស្រាវជ្រាវពីស្ថានការណ៍អប់រំតាមខេត្តទាំងប្រាំនៅតាមបណ្ដោយដងទន្លេសាប ក៏ដូចជាប្រធានបទលើ ចរិតលក្ខណៈនៃការដឹកនាំដែលមានប្រសិទ្ធភាពនិងប្រសិទ្ធផលនៅកម្រិតឧត្តមសិក្សាផងដែរ។បច្ចុប្បន្ន
នេះលោកកំពុងបន្តការសិក្សាថ្នាក់បណ្ឌិតវិទ្យាសាស្ត្រអប់រំ លើជំនាញដឹកនាំ និងគ្រប់គ្រងការអប់រំ ព្រោះ លោកមានជំនឿជឿជាក់យ៉ាងមុតមាំថា មានតែការសិក្សា ស្រាវជ្រាវមួយជីវិតតែប៉ុណ្ណោះដែលជួយ រួមចំណែកក្នុងការកសាងសន្តិភាពសុភមង្គលជូនប្រទេសជាតិ។លោកមានគំនិតសុទិដ្ឋិនិយមក្នុងការចែក រំលែក ចំណេះ ជំនាញដែលលោកមាន ព្រមទាំងអភិវឌ្ឍ និងបណ្តុះស្មារតីក្នុងការជំរុញការសិក្សា និង ស្រាវជ្រាវ ដើម្បីចូលរួមលើកតម្កើងប្រទេសជាតិឱ្យមានការអភិវឌ្ឍ រីកចម្រើន និងសុខសន្តិភាព។

លោក ទោ លឿត ព្រឹទ្ធបុរសរងមហាវិទ្យាល័យអប់រំ នៃសាកលវិទ្យាល័យអន្តរជាតិ ឌូវី លោកទទួលបរិញ្ញាបត្រជាន់ខ្ពស់ពីសាកលវិទ្យាល័យវិចតូរីយា វេលីងតុន ប្រទេសណូវែលសេឡង់ បរិញ្ញាបត្រជាន់ខ្ពស់គ្រប់គ្រងពាណិជ្ជកម្ម និងបរិញ្ញាបត្រគ្រប់គ្រងពាណិជ្ជកម្ម ពីសាកលវិទ្យាល័យក្នុងស្រុក និងសញ្ញាបត្រមធ្យមសិក្សាគរុកោសល្យ។ លោកបានទទួលអាហារូបករណ៍ទៅសិក្សា នៅប្រទេសណូវែលសេឡង់ សហរដ្ឋអាមេរិក សាំងហ្គាពួ និងម៉ាឡេស៊ី និងវគ្គសិក្សាខ្លីនៅប្រទេស ផ្សេងៗទៀត។ លោកបានធ្វើការក្នុងវិស័យអប់រំតាំងពីឆ្នាំ ២០០៣ ក្នុងវិស័យអប់រំកុមារតូច បឋម សិក្សា មធ្យមសិក្សា អប់រំបណ្ដុះបណ្តាលវិជ្ជាជីវៈ និងអប់រំនៅកម្រិតឧត្តមសិក្សា។ ជំនាញរបស់គាត់ មានដូចជា អភិវឌ្ឍសហគមន៍ ការសរសេរ និងការគ្រប់គ្រងគម្រោង ការត្រួតពិនិត្យតាមដានគម្រោង ការរៀបចំកម្មវិធីសិក្សា ការគ្រប់គ្រងការអប់រំ និងការស្រាវជ្រាវ។ លោកបានបោះពុម្ពអត្ថបទស្រាវជ្រាវ មួយចំនួនអំពីការអប់រំនៅបឋមសិក្សា និងឧត្តមសិក្សា។ បច្ចុប្បន្ននេះ លោកកំពុងធ្វើគម្រោងស្រាវជ្រាវ ជាមួយបញ្ញាវន្តផ្សេងៗទៀតដើម្បីសិក្សាអំពីការអប់រំនៅឧត្តមសិក្សា។ លោកជឿជាក់ថា ការស្រាវ ជ្រាវជាកត្តាចំបាច់ក្នុងការជំរុញសន្ទុះការអភិវឌ្ឍប្រទេសជាតិ។ លោកមានមហិច្ឆតាចូលរួមចំណែក ក្នុងការសាបព្រោះវប្បធម៌ស្រាវជ្រាវនៅកម្ពុជា ជាមួយបញ្ញវន្តផ្សេងៗទៀត។

លោក ហម អរុណ ប្រធានដេប៉ាតឺម៉ង់ទេសចរណ៍ និងបដិសណ្ឋារកិច្ច នៃសាកលវិទ្យាល័យអន្តរជាតិ ឌូវី លោកបានបញ្ចប់ថ្នាក់បរិញ្ញាបត្រជាន់ខ្ពស់ជំនាញ គ្រប់គ្រងសណ្ឋាគារ និងទេសចរណ៍ នៅ សាកលវិទ្យាល័យក្នុងស្រុកមួយនៅរាជធានីភ្នំពេញ។ លោកមានបទពិសោធន៍ក្នុងការងារពាក់ព័ន្ធ វិស័យទេសចរណ៍រយៈពេល ៧ឆ្នាំ ធ្លាប់បានចូលរួមវគ្គបណ្តុះបណ្តាលនៅក្រៅប្រទេសមាន ដូចជា ឥណ្ឌា ចិន វៀតណាម និងបានចូលរួមវគ្គបណ្តុះបណ្តាលជាច្រើនពាក់ព័ន្ធនឹងវិស័យទេសចរណ៍ នៅក្នុងប្រទេស។ លោកក៏ជាប្រធានការិយាល័យគ្រប់គ្រងឧស្សាហកម្មទេសចរណ៍ នៃមន្ទីរ ទេសចរណ៍ខេត្តបាត់ដំបងផងដែរ។ ក្រៅពីកិច្ចការក្នុងការិយាល័យ លោកក៏ជាគ្រូបង្គោលបណ្តុះបណ្តាល ជំនាញទេសចរណ៍ជាសាស្ត្រាចារ្យជំនាញទេសចរណ៍នៅតាមសាកលវិទ្យាល័យនានា ព្រមទាំងជា អ្នកនិពន្ធ និងអ្នកស្រាវជ្រាវក្នុងវិស័យទេសចរណ៍ផងដែរ។

លោកបានបញ្ចប់ថ្នាក់បរិញ្ញាបត្រជាន់ខ្ពស់ ជំនាញវិស្វកម្មព័ត៌មានវិទ្យា និងថ្នាក់បរិញ្ញាបត្រ ជាន់ខ្ពស់ ជំនាញវិទ្យាសាស្ត្រអប់រំ ព្រមទាំងសញ្ញាប័ត្រគរុកោសល្យ គ្រូបង្រៀនកម្រិតឧត្តម ឯកទេស បច្ចេកវិទ្យាព័ត៌មានវិទ្យា និងគ្រប់គ្រងបណ្ណាល័យ។ លោកបានចូលបម្រើការងារ ក្នុង វិស័យអប់រំ ចាប់ពីឆ្នាំ ២០១៣ កម្រិតមធ្យម បណ្តុះបណ្តាលវិជ្ជាជីវៈ និងកម្រិតឧត្តមសិក្សា។ ជំនាញរបស់លោកមានដូចជា សាស្ត្រាចារ្យបង្រៀន ជំនាញបច្ចេកវិទ្យាព័ត៌មានវិទ្យា អភិវឌ្ឍន៍ កម្មវិធី គ្រប់គ្រងប្រព័ន្ធទិន្នន័យ បណ្តាញណេតវើក ទស្សនវិទ្យា និងគ្រប់គ្រងអប់រំ ។

លោក ជួន សេដ្ឋា ជាប្រធានការិយាល័យរដ្ឋបាល និងធនធានមនុស្សស្តីទី នៃសាកលវិទ្យាល័យអន្តរជាតិ ឌូវី លោកបានបញ្ចប់ថ្នាក់បរិញ្ញាបត្រជាន់ខ្ពស់ ជំនាញវិទ្យាសាស្ត្រគ្រប់គ្រងអប់រំ លោកបានប្រឡូក ចូលក្នុងវិស័យ អប់រំចាប់តាំងពី ឆ្នាំ១៩៨២ មក។ លោកទទួលបានសញ្ញាបត្រគរុកោសល្យបង្រៀន មុខវិជ្ជារូបវិទ្យា និងគីមីវិទ្យា។ ចាប់ពីឆ្នាំ ២០០៧ រហូតដល់ ឆ្នាំ ២០១៦ លោកបានកាន់តួនាទីជា នាយករងទទួលបន្ទុកបច្ចេកទេស នៅសាលារដ្ឋកម្រិតវិទ្យាល័យ។ លោកក៏ជាអតីតអនុប្រធាន ការិយាល័យសិក្សាធិការ និងទំនាក់ទំនងសាកលវិទ្យាល័យ ទទួលបន្ទុកកិច្ចការទូទៅ នៃសាកល វិទ្យាល័យអន្តរជាតិ ឌូវី ហើយលោកក៏ជាសាស្ដ្រាចារ្យ នៅតាមសាកលវិទ្យាល័យបង្រៀនមុខវិជ្ជ វិទ្យាសាស្ត្រគ្រប់គ្រងអប់រំផងដែរ។

លោកទទួលបានសញ្ញាបត្រថ្នាក់បរិញ្ញាបត្រ ជំនាញគ្រប់គ្រងពាណិជ្ជកម្ម និងសញ្ញាបត្រគរុកោសល្យ ឯកទេសបង្រៀនភាសាអង់គ្លេស និងភាសាខ្មែរ ព្រមទាំង បានចូលរួមវគ្គបណ្តុះបណ្តាលជាច្រើន។ បច្ចុប្បន្ន លោកកំពុងសិក្សាថ្នាក់បរិញ្ញាបត្រជាន់ខ្ពស់ជំនាញ គ្រប់គ្រង នៅសាកលវិទ្យាល័យអន្តរជាតិ ឌូវី។ លោកបានចូលរួមបម្រើការងារក្នុងវិស័យអប់រំ ចាប់ពីឆ្នាំ២០០១មក។ដំណាលគ្នានេះដែរលោក បានចូលរួមក្នុងវិស័យ ធនាគារ រយៈពេល ០២ឆ្នាំ ក្នុងការអនុវត្តទីផ្សារ។

លោក ពេជ្រ ចាន់ធឿន ជាអនុប្រធានការិយាល័យសិក្សាធិការ នៃសាកលវិទ្យាល័យអន្តរជាតិ ឌូវី លោកបានបញ្ចប់ថ្នាក់បរិញ្ញាបត្រជាន់ខ្ពស់ជំនាញគ្រប់គ្រងទូទៅ និងថ្នាក់បរិញ្ញាបត្រជំនាញអប់រំ ភាសាអង់គ្លេស ពីសាកលវិទ្យាល័យក្នុងស្រុកមួយនៅរាជធានីភ្នំពេញ។ លោកបានប្រឡូកការងារ ក្នុងវិស័យអប់រំនៅកម្រិតថ្នាក់ឧត្តមសិក្សាចាប់តាំងពីឆ្នាំ២០០៩ មក។ ជំនាញរបស់លោកមានដូច ជាបង្រៀនភាសាអង់គ្លេស ការសរសេរ និងអភិវឌ្ឍកម្មវិធីសិក្សា ការអនុវត្តកម្មវិធីសិក្សាការគ្រប់គ្រង ការអប់រំ និងការស្រាវជ្រាវ។ លោកមានជំនឿយ៉ាងមុតមាំថា ការអប់រំត្រឹមត្រូវនឹងធ្វើឱ្យយុវជនមាន ការផ្លាស់ប្ដូរ។

លោកទទួលបានបរិញាបត្រជំនាញគ្រប់គ្រងពាណិជ្ជកម្មនិងសញ្ញាបត្រគរុកោសល្យឯកទេសបង្រៀន ភាសាអង់គ្លេសព្រមទាំងបានចូលរួមវគ្គបណ្តុះបណ្តាលជាច្រើន។លោកមានបទពិសោធន៍ជាច្រើនជាមួយ ការងារអង្គការជាតិ និងអន្តរជាតិអស់រយៈពេល២៤ឆ្នាំជាពិសេសលើវិស័យអប់រំ។លោកបាននាំយក បទពិសោធន៍របស់លោកមកបម្រើការនៅសាកលវិទ្យាល័យអន្តរជាតិ ឌូវី ដោយសម្របសម្រួល និង គាំទ្រជាមួយកិច្ចការនិស្សិតទាំងអស់ ដូចជានិស្សិតជួបការលំបាកក្នុងការសិក្សាជាដើម។លោកមាន ជំនាញផ្នែកប្រឹក្សាយោបល់ និងដោះស្រាយបញ្ហាយ៉ាងម៉ត់ចត់ជាមួយនិស្សិតផ្ទាល់ និងគ្រួសាររបស់ ពួកគេដើម្បីជួយសម្រួលដល់លទ្ធភាពនានា។ លោកមានកាតព្វកិច្ចជាអ្នកតំណាងឱ្យឪពុកម្ដាយ ឬ អ្នកអាណាព្យាបាលរបស់និស្សិតសាកលវិទ្យាល័យអន្តរជាតិ ឌូវី ទាំងអស់។ទស្សនវិស័យរបស់លោក គឺការប្រឹក្សាគាំទ្រលើកទឹកចិត្តដល់និស្សិតគឺជាការវិនិយោគដ៏សំខាន់ដើម្បីជំរុញពួកគេឱ្យសម្រេចបាន
នូវគោលដៅរបស់ខ្លួន។